كلوديا مرشليان: يا رب ما بقى النا غيرك

صرخة اطلقتها الكاتبة كلوديا مرشليان عبر صفحتها على الفايسبوك جاء فيها:
صارلو زمان لبنان عم يحترق … قلوب اللبنانيي عم تحترق … عقولهن .. احلامهن .. مستقبل اولادهن … شهادات الشباب والصبايا كلها عم تحترق … بيوت اللبنانيي ياللي ما معهن حق مازوت ليتدفّوا واولادهن البردانة … حياتنا كلها صارت محروقة بسبب الفساد ياللي يوم ورا يوم عم يكبر وعم بصير اوقح وعلى عينك يا تاجر … مين بدكن يطفّي ؟؟ شباب الدفاع المدني ياللي ولا يوم قبلتوا تعطوهن حقوقهن ؟؟؟ والا الطيارات ياللي اشتريتوها من جياب الناس وزتيّتوها ؟؟؟ بشو منطفّي ؟؟ بالمي المقطوعة ؟؟ بتعرفوا شو .. مش يا عيب الشوم عليكن يا عيب الشوم على الناس ياللي بعدها ساكتة وما بتسترجي تفتح تمها … ضيعانك يا لبنان الحلو ياللي فيروز والأخوين رحباني قالوا عن سماك انها قريبة .. دخيلك يا ربي ابعتلنا من هالسما القريبة شتي لإنو مبق النا غيرك .